الى روح خالد سعيد

كتبتها فى وقت وفاته منذ عام كامل
فى وقت ان كان الظلم يسيطر على مصر ويكمم الأفواه
لكنى كنت أنادى بالثورة على الظلم وعلى الطغيان

وأعيد نشرها فى ذكراه الأولى
بعد ان كان إغتياله من أهم عناصر إشعال ونجاح ثورتنا
الله يرحمه




فى رحمة الله يا إبن مصر
قتلوك ياولدى سكان القصر

لكن قسم بالله .. دمك مش ها يروح من غير عقاب
ارتاح يا ضنايا فى تربتك..بيك ابتدى وقت الحساب

خضوعنا هو السبب لكن انتهى زمن الخضوع
من بعد موتك يا وليدى راح يقف وقت الخنوع
ومفيش ركوع تانى لهم .... لربنا بس الركوع
وحق مصر اللى اتسرق .. بدمنا وجب الرجوع

ومفيش سكوت ياشهيد .. بعد الضنا مفيش أعذار
ليه ولاده يعيشوا فى جنة ووولادى تعيش فى النار

قومى اصحى يابلادى
انا لازم أحمى ولادى
ومهما كان بطشهم
مش هاسكت المرة دى
مش هاسكت المرة دى


وبعد سنة يا فلذة كبدى

وردة على قبرك ياولدى

بشهادتك بدأ وقت الحساب

وحررنا بلدنا من الإرهاب

وهانرجع نبنيكى يا بلادى

وهانشتغل ونعيش أحباب