يوميات شاب ( اليوم الاول)اوعى تقف لبنت فى المترو

السلام عليكم ورحمة الله وبركاته
اذيكوا يا
شباب
انهرده هبدا
معاكوا سلسه جديده
سلسه يوميات
شاب
هنعرض فيها
المواقف اللى بيتعرض لها الشباب المصرى
فى اطار
ساخر

نبدها
باليوم الاول
(اوعى تقف لبنت فى المتروا)

اوعى تقف لبنت فى المترو [ندعوك للتسجيل في المنتدى أو التعريف بنفسك لمعاينة هذه الصورة]
ياجماعة احنا لازم نعمل وقفة .. من اللى هيه كده

دلوقتى
الأخت سحر الجعارة
تطلع تقول ان المرأة لها نفس حقوق الرجل في المجتمع،

والأخت
إيناس الدغيدى
تطلع تقول قصدى تقلع تقول ان الراجل همجى مش بيعرف في المرأة غير جمال
شكلها والباقي معروف ليكوا،

والأخت
إقبال بركة
تقول إن مصدر جمال المرأة هو عقلها مش جسدها
ولازم التعامل معاها كعقل بدون النظر إلى الجسد هيه عاملة فيه ايه..

ده
باعتبار ان الواحدة تبقى ماشية في الشارع وواحد بقى يعاكسها
يا ابو عقل جامد..
ياواد انت ياابو مخيخ عثل..
حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين [ندعوك للتسجيل في المنتدى أو التعريف بنفسك لمعاينة هذه الصورة]
بنت ماشية..
شفت ياد العقل اللى لابس أحمر ده؟؟ [ندعوك للتسجيل في المنتدى أو التعريف بنفسك لمعاينة هذه الصورة]
كل الكلام ده ماشى

والأخت
هالة سرحان
بيجيلها تخلف عقلى [ندعوك للتسجيل في المنتدى أو التعريف بنفسك لمعاينة هذه الصورة]
لو سمعت ان راجل قال لمراته حضَّرى العَشا..
باعتبار ان العشا رجس من عمل الشيطان [ندعوك للتسجيل في المنتدى أو التعريف بنفسك لمعاينة هذه الصورة]

والأخت
العزيزة سعاد حسنى
تقول البنت زى الولد ماهيش كمالة عدد..
ومش عارف مين قال ان البنت كمالة؟؟ [ندعوك للتسجيل في المنتدى أو التعريف بنفسك لمعاينة هذه الصورة]
دا البنت طبق كشرى بحاله من الكبير ابو تلاتة جنيه..
زيه زى الولد بالظبط [ندعوك للتسجيل في المنتدى أو التعريف بنفسك لمعاينة هذه الصورة]

والأخت
عبير صبرى
ربنا يهديها تقول ازاى الراجل المتوحش القاسى التنين اللى بيطلع نار من
مناخيره بيتعامل مع الأنثى اللى هيه نسمة ماشية ع الأرض يا ولداه

طبعا انا
باعدى الكلام ده
لأنى عارف الولد المحترم بيعامل البنت المحترمة ازاى..
والزوج المحترم بيعامل الزوجة المحترمة ازاى
ومش محتاجين نصايح اسم الله على جمالهم وأدبهم
المشكلة بقى مادام بيقولوا البنت زى الولد..
أنا ليه باقف في المترو عشانهم بقى؟؟
أيوة اوعى تمشى استنى..
دى مشكلة كبيرة مش صغيرة.. [ندعوك للتسجيل في المنتدى أو التعريف بنفسك لمعاينة هذه الصورة]
يعنى أنا لما اركب المترو كام مرة في اليوم وكل مرة اكتشف
انى لازم اقف عشانهم تبقى مشكلة
أدخل المترو في أمان الله واقعد بعد جهد جهيد [ندعوك للتسجيل في المنتدى أو التعريف بنفسك لمعاينة هذه الصورة]
وانا شايف واحدة موظفة مع صاحبتها راجعين من الشغل
وصحتهم زى الفل.. [ندعوك للتسجيل في المنتدى أو التعريف بنفسك لمعاينة هذه الصورة]

وقاعدة تحكى لها ازاى تعمل محشى الكوسة
وقاعدة تقور في الهوا يمين وشمال عشان يبقى الشرح عملى وصوتها عالى..
واول ما تدخل المترو تلاقى الشلل الرعاش حلّ عليها..
وعينيها مش قادرة تفتح من الإرهاق وتيجى هيه وصاحبتها
قدامى بالظبط وتعلـّى صوتها

وتقول
لصاحبتها:

معدتش
باقدر أقف كتير يا سنية..

ترد
عليها زميلتها واللبانة ف بقها:

ومين
سمعك يا حبيبتشى..

الدكتشور
قال لى انى لو وقفت على رجلى خمس دقايق
هارجًّع ع اللى قدامى علطول

ولا
البنت اللى لسة شباب..
[ندعوك للتسجيل في المنتدى أو التعريف بنفسك لمعاينة هذه الصورة]
تبقى قاعد لا بيك ولا عليك وتلقى المحروسة داخلة المترو ..
بنت حلوة وشعرها ع الخدود يهفهف ويرجع يطير..
وتيجى تقف قدامك..
وفجأة
تفضل تظبط شعرها وترميه ورا ضهرها
زى إعلان صابون كامى عطر فرنسى الإيحاء..
ومتوقعة ان الزبون اللى هوه انا هاقوم ابوس ايديها انها تقعد مكانى..
والله لو خلعتى شعرك كله واديتهولى على سبيل المقايضة زى قدماء
المصريين..
برضه مش واقف

وبعدين
الأول كانت عربيات السيدات في المترو قدام
ومع ذلك كانوا منتشرين في كل العربيات وقلنا ماشى..
بعد ماحصلت حادثة مترو حلوان البسيطة اول المترو..
قالوا لا .. هاتوا السيدات في نص المترو..
ليه بقى؟؟

ده
باعتبار ان لو حادثة حصلت في أول المترو والسيدات قدام
هيصوتوا ويلموا الدنيا
[ندعوك للتسجيل في المنتدى أو التعريف بنفسك لمعاينة هذه الصورة]
انما الرجالة بتموت من سكات...!!! [ندعوك للتسجيل في المنتدى أو التعريف بنفسك لمعاينة هذه الصورة]
صلاة النبى أحسن

طب حد
مننا اعترض ان السيدات ماليين مترو الرجالة..
أبدا..!!!!
انما شوف بقى ياعم الحاج لو حظك الأغبر وقعك انك ركبت سهو في عربية
السيدات..ياداهية دقى..
تسمع بقى أحلى كلام..
أولالا..سوفاااج..سوهاج..راجل؟؟..
واللى تحط وشها في الأرض من الكسوف..واللى تقول أوووه..
راجل..فانتستيك..صلاة النبى..

أاااااااااايه
... انتى عمرك ماشفتى راجل ياضنايا؟؟؟
مش برضه انتى جاية من شغلك وهناك كان فيه مخلوقات زيه
وراجعة بيتك هتلاقى واحد من نفس الفيرجن في وشك [ندعوك للتسجيل في المنتدى أو التعريف بنفسك لمعاينة هذه الصورة]
زى القضا المستعجل

والبنت
اللى في الجامعة آه لو شافت راجل في المترو..
هيغمى عليها من الخضة..

ماانتى
لسة جاية من الجامعة وكنتى انتى والولاد قاعدين تلعبوا صلح
وعسكر وحرامية [ندعوك للتسجيل في المنتدى أو التعريف بنفسك لمعاينة هذه الصورة]..
عمرك ماشفتى راجل يا شابة؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

أيوة
مادام فيه مساواة تبقى ف كل حاجة.
. زى مااحنا بنشتغل وهما بيتشتغلوا..
يبقى اللى يلحق الكرسى يقعد
يعنى عادى ..
ومادام فيه مساواة ولازم نتعامل مع عقل البنت..
يبقى بلاش تلعب لى ف شعرها وتورينى دايما
انها بتحط هيد أندشولدرز ضد القشرة عشان اقوم..
لأنها زى ما بتحط هيد أندشولدرز
أنا باحط برضه هيد أنشولدرز ومن الحجم الكبيركمان أبو عشرين جنيه..
[ندعوك للتسجيل في المنتدى أو التعريف بنفسك لمعاينة هذه الصورة]

المشكلة
دى يحس بيها اللى بيركب المترو يوميا زيى.
نفسى أحس انى جاى بدرى ولحقت كرسى بعرق جبينى
وقاعد أشكر ربنا على الكرسى اللى فلت من بين
أيدى القوات الأنثوية الغاشمة
[ندعوك للتسجيل في المنتدى أو التعريف بنفسك لمعاينة هذه الصورة]

اوعى حد
يفتكر انى مش بقوم عشان حد يقعد

بس اقوم
عشان حد يستاهل.. [ندعوك للتسجيل في المنتدى أو التعريف بنفسك لمعاينة هذه الصورة]
يعنى ست كبيرة مريضة.. راجل عجوز تعبان..
ست شايلة تسع عيال على ايديها..
كده يعنى.. حالات تستاهل..
انما واحدة عندها تلاتين اربعين سنة وقاعدة عاملالى
فيها حسين رياض لما اتخرس في رد قلبى [ندعوك للتسجيل في المنتدى أو التعريف بنفسك لمعاينة هذه الصورة].. أقف ليها ليه؟؟

وكمان
شوف الموقف ده..
اقف أنا عشان واحدة ست تقعد من باب الزوق..واقف جنبها..
وأول ما تيجى تنزل محطتها ..!!!!
تشاور لاقرب بنت أو ست عشان تقعد مكانها..!!
صلاة النبى..حتى الكرسى بيتورث يا جدعان ؟؟
خيال مآتة واقف جنب الكرسى أنا ؟؟؟
دانا واقف عشانك..طب خليها بجميلة حتى..
وموقف ورا موقف تكتشف في لحظة ان كل الستات والبنات قاعدين..
وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار

ولا
البنت اللى تيجى تقعد جنبك ومش طايقة نفسها
قال إيه المكان ضيق ومش قادرة تقعد مرتاحة..

طب ما
دام انتى متضايقة كده ماتقومى تقفى بلاش القعدة المقرفة دى..
ولا يعنى عشان كل مرة واحد شاب محترم هوه اللى يقف
عشان المكان يوسع للهانم..
الهانم أم طاقية حمرا.. للهانم البيضا..
والهانم السمرا

الله
يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم
اللى لا دين ولا منطق بيأيده.

بيطالبوا
بحقوق المرأة اللى على كيفهم..
مع ان ديننا جعل المرأة جوهرة يتحافظ عليها وتتعامل أحسن معاملة
مش سلعة وموضوع في كل برنامج شوية.
لو كنت قاعد على كرسى في المترو..
دايما حاول تعمل انك بتربط رباط جزمتك وانت قاعد
لمدة العشرين محطة اللى انت راكبهم
وماتبصش لأى حد واقف عشان قلبك المعفن الطيب
وخد معاك وانت راكب المترو
علبتين هيد أنشولدرز عشان أى بنت جاية تتدلع بشعرها
عشان تقعد تعرفها ان اللى معاه شامبو أكتر هوه اللى هيقعد
[ندعوك للتسجيل في المنتدى أو التعريف بنفسك لمعاينة هذه الصورة]
وخد معاك مطوة عشان لو قلبك الطيب خلاك تقعَّد واحدة بدل منك
وبعدين وهيه نازلة شاورت لواحدة تانية تقعد مكانها وطنشتك..
تغزها بالمطوة غزتين عشان تفوق [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههه
جامدة جدا جدا جدا تسلم ايدك يا احمد مبطلتش ضحك طول مانا بقرأها هههههههههه
بجد ملهاش حل كنت حاسة انى قاعدة فى المترو

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههه

يسلام يا اخويا مش للدرجه دى

[ندعوك للتسجيل في المنتدى أو التعريف بنفسك لمعاينة هذه الصورة]

طب حد
مننا اعترض ان السيدات ماليين مترو الرجالة..
والله يا ابني كل يوم
بعترض ولكن لا يوجد مجيب

ليه ان شاء الله يعنى احنا عربيتين بس وانتوا المترو كله

ايه العدل ده وبعدين مفيش حاجه اسمها عربيه الرجاله

فى عربيتين اسمهم سيدات فقط والباقى مشرك

ههههههههههه

دعاء الكروان كتب:: ههههههههههههههههههههههههه

يسلام يا اخويا مش للدرجه دى

[ندعوك للتسجيل في المنتدى أو التعريف بنفسك لمعاينة هذه الصورة]

ايوة يا اختي واكتر من كدة كمان

لعلمكوا بقى فى رجاله بيستهبلوا ويركبوا فى عربية السيدات مع انهم عارفين

ده مش افترى ده انا شوفت بعينى محدش قالى

يا حاج دى عربيه سيدات وده مفيش ايه يعنى

والتانى سيدات سيدات انا راكب مع المودام ههههههه

خم اصلا البنات يشوفوا الشيب واقف
بيدخلو على طول عربية الرجالة
مش كدة يادودى

الموضوع ده نزلته في مايو قبل كده
هههههههههه الموضوع كبير علي فكرة
موضوع المترو ده أصبح مأسأة بجد
لانه العدد أكتر من المحتمل ما شاء الله
يعني يكفي الخنقة و الروائح اللي بتكون فيه

المشكلة فيه مش مشكلة شباب فقط
مشكلة الجميع ... يعني مثلا
في الاجازة الماضية ركبته مع والدي
تخيلوا فضي كرسي قام واحد صغير جري زق والدي
علشان يقعد هو و المشكلة مش في كده و الله
المشكلة انه طلع نازل المحطة اللي جاية
يعني مقعدش ثواني و قام علشان ينزل
يعني مهازل كتير بتحصل ربنا يعين اللي بيركبوه و مجبرين
تسلم ايدك يا أحمد و في انتظار باقي سلسلة معاناة الشباب
و عايزة واحدة من بنات المنتدي الحلوات تعمل لنا موضوع
عن معاناة الفتيات ... اشمعني الشباب يعني

ايون يا نبض لابد من وقفة

اصبروا علياااااااااااااااااااااااااااااا

هههههههههههههههههههههههههههههههههههههه
ايوه كده يا دودو لازم يحسوا اننا مش سهلين
أبداااااااااااااااااااااااااااااااااااااااااااااااااااااااا

هما شكلهم خافوا واتقوا شرنا مش شايفه حد منكم يعنى

ههههههههههههههههههههههه
صحيح معاكي حق

لا احنا موجودين بس انا الى مش عيز ارد الى لم انتو تتكلمو
على الموضوع وتتخنقو

ههههههههههههههه

اقنعتنى

[ندعوك للتسجيل في المنتدى أو التعريف بنفسك لمعاينة هذه الصورة]

بما انى بركب المترو كتير ممكن اقول وجهة نظرى التواضعه

هناك عربنتين للسيدات ولكن بعض السيدات تفضل الركوب فى العربات المشتركه لعده اسباب
اهمها ان المراه مش هتقوم لوحده زيها فى عربيه السيدات لكن الراجل بشهمته ممكن يقوم لاى واحده
ثانيا فى سيدات بتكسل تمشى لعربيه السييدات وبتركب اى عربيه
وكمان فى سيدات كتير بتركب العربيات المشتركه مع زوجها او خطبها الى اخره
وحصل موقف امامى والله فى المترو وهو ان شاب ركب ومعاه بنت الله اعلم اخته خطبته ما علينا
طبعا ركب وعمال يقولها تعالى كده لا كده ويزق اللى وراه عشان يوسع لهابعد كده واحد اتخبط من زقه ده قالى مش تحاسب خايف على اللى معاك ركبها عربيه السيدات
المهم قالو وانت مالك واتحوالت الى مشاجره وسب وضرب داخل المترو
وطبعا طلعو حجره الشرطه والبت وصحبها بيضرب قعدت تعيط وتقالو خلاص يا كريم والكل قالها انتى السبب فى ضرب كريم
والله ده موقف حصل امامى ويبين ان المترو اصبح ليس وسيله نقل فقط ولكن شجار وخلافات وزق وبهدله
ومهما يزودو القطارات المترو بيبقى زحمه وهيفضل ده الحالى على طول

ههههههههههههه ... مصدقينك حبيب الرحمن
فين باقي اليوميات يا احمد .. منتظرين بشغف

ايواا دا بيحصل فعلا

فيييييييييييين الباقى

هههههههههههههههه
دا احنا جامدين اووووووى ومش بنخاف
خالص انا عايز اشوفكم انتم الى مش ظاهرين

» يوميات ابو تريكة
» اليوم فى كاس مصر
» اخبار مصر اليوم
» حوداث اليوم 6\5
» البورصة اليوم ...... (21/5)