علمى بنتك التخلص من الكراكيب

السلام عليكم
الموضوع اللي انا بصدده يهم كل زوجه مع سرعه ايقاع الحياه
الزوج يذهب اللي العمل ويرجع موش عايز يشوفك الا في احسن صورة والبيت مرتب
عارفه وسامعاكم انا طول النهار باشتغل في البيت وموش عاجب ومفيش كلمه حلوة تساوي وقفتي علي رجلي من تنظيف وتلميع

نسيتم اهم شئ وده كان نقطه الخلاف موش مهم انك تكنسي وتغسلي المهم تنظمي

الكراكيب الكراكيب

من كثره تعود الاعين علي الاشياء ممكن تكوني بتستخدميها نادرا اصبحت من الكراكيب

اولا قبل اي شي وانتي بتنظمي مطبخك لانه كان لوقت قريب عقده عندي لاني لم ادرب وانا في بيت والدي كيف انظم وارتب والله بيبقي صعب علي اللي ماتعودش

احضرت كيس كبير بلاستيكي معتم اللون وقررت وضع الاشياء اللي زاحمه المطبخ
برطمان فاضي ونظيف اغطيه للبرطمانات وفي كيس في المطبئيه الملاعق والشوك بعد تجفيفها تلفيها في ورقه وقطعه فحم حتي لاتصدأ

لاني كنت بالاقي في الحوض 24 ملعقه وشوك بيستسهلوا لما مايلاقش نظيف وطبعا بتطري انك تبزلي مجهود ووقت

وهكذا اشياء عديده اذا مر شهر ولم تفتحي هذه الاكياس اعرفي انها كراكيب وهي العامل الاساسي للاكتئاب والضيق
اجعلي رف التوابل موحد العبوات وباستيكر وبالقلم اكتبي اسماء كل نوع حتي لايرتبك مطبخك في حاله سفرك او تواجدك عند والدتك ويتصل بيكي ويقول انت حاطه الحاجه فين

ممكن اذا كنت كسوله في تنظيف البوتوجاز بتضعي الورق المعدني وبتغيريه كلما اتسخ بالدهون
لاتنسي وضع سجادة صغيرة في المطبخ الوانها مبهجه فان ذالك يضيف عليك الارتياح

اهم شيء لاتحاولي غسل المواعين بدون قفاز خاص بذللك لان كثرة امتصاص الايدي للمواد المنظفه يودي اللي الفشل الكلوي عند الكثير من السيدات دون ان تعرف السبب

اذا كانت لديك غساله اطباق التاكد من التخلص من الفضلات حتي لاتنسد الفلاتر وانت في غني عن ذللك

ممكن لو فيه انبوبه للبوتوجاز بتعملي ليها تلبيسه من الاشياء القديمه وبزراير حتي يسهل غسلها

عقده زوجي الم الغسيل ولايطبق حاولي كما باحاول انا الاخري وانت بتلمي الغسيل فيه كرسي بتطبقي لكل واحد الملابس الخاصه بيه وخلصت العمليه

في جميع الاحوال لازم يكون الحمام ناشف الارضيه وتغسلي الاحواض والتواليت يوم بعد يوم حتي لاتتكاثر الروائح والجراثيم

لايمنع من انك ترشي معطر بعد الانتهاء من الطبخ فان ذللك يضفي سعاده عليك اولا ثم علي الاخرين

لو ماكنش عنك معطر ممكن شويه فانليا مع قليل من الماء تغلي او قشر الليمون او البرتقال

انا برضه عمات حاجه حلوة طبقت الشورتات والكلتات بالطول علي 3 ثم تبرميها موش هتاخد حيز في الدرج وكذلك الايشاربات

ضعي فقط في المطبخ بعدد افراد اسرتك اطباق والباقي شيليه في النيش هيخفف عليكي عبئ غسيل المواعين
وكزللك شيلي المواعين الزياده
وخصصي واحده فقط للارز واخري للطبخ وصينيه ومصفاه للمكرونه

والله العظيم هتلاقي نفسك لاتصرخي وانا عارفه لاني مجربه الموضوع ده وعندك وقت للفراغ تستفيدي به للمذاكرة موش تفكري ياهل تري مين اللي هيحن عليكي ويغسل المواعين

وياريت كل ام تدرب بنتها حتي ولو صغيره المساعدة معها

السلام عليكم ورحمه الله وبركاته

[ندعوك للتسجيل في المنتدى أو التعريف بنفسك لمعاينة هذا الرابط]

لكل من دخلت وصلت علي رسول الله
[ندعوك للتسجيل في المنتدى أو التعريف بنفسك لمعاينة هذه الصورة]

صباحكم خير وبركه

انا برضه كانت مشكله عندي حكايه العبوات الكتير وختلفه الاحجام

ضعي الاساسيات من التوابل في متناولك
الملح
الفلفل الاسود
البهارات( انا باعملها قرفه +جوز الطيب+كسبره+فلفل اسود +حبهان+كبيبه صيني طبعا بنسب معينه)
السكر
الشاي
النعناع الناشف

الباقي البهارات غير المتكرره للاستعمال اليومي حسب احتياجات كل واحده بارص العبوات الزائده في الشياله البلاستيك الدور العلوي منها بتكون 4 ادوار واقفه علي الارض تحت الترابيزه

انا كنت باقطع الخضراوات والبصل ومن غير مااقصد يقع الفضلات في الحوض
فتطري شيلها وانت مقروفه من الحوض

شوفي انا عملت ايه علبه اوجردل لايزيد ارتفاعه عن شبر ومتوفر في المحلات بتلبسيه كيس نايلون واول باول بتضعي الفضلات
والله بيوفر عليكي مجهود الحاجات الصغيره دي

لو فيه مكان سهل ممكن تثبتي علي الحائط ماسوره تباع بحمالتين وبها علاقات لادوات التوزيع( الكبشه الشوكه المقص الخاص بعمل الطعام فوطه صغيره مساكه الادوات الساخنه )

الفرن او الميكرويف اذا كان لديك بفوطه بها خل بتنظفيه بعد كل استعمال حتي لايختبئ به الحشرات

مواد النظافه الصابون الفنيك في جردل تحت الحوض

انا الحمد لله بامسح المطبخ بماء + قليل من الكولوركس دائما الريحه حلوه

وبعض الاحيان كلما عملت سمك عندي بخاخه بتطول الاماكن البعيده بارش علي السراميك خل مركز وبفوطه عليها ماء * جنرال
فلااعطي للبكتيريا مجال لتسكن علي الحائط

وحاجه مهمه بتريحك انت شخصيا بتخصصي basketاي سله علي الاوتوماتيك ليضعوا فيها الشرابات المتسخه علشان ماتزوغش في الغسيل

خلي المدخل الرئيسي لمنزلك مرتب دائما تحسبا لاي من الضيوف الظرفاء اللي ممكن يطبوا عليكم بدون سابق انذار
في دولاب المطبخ

خلي الرف القريب منك علشان سهوله الاجهزه الكهربيه فيها بس
الخلاط بعد تنشيفه والمفرمه اجزاءها كلها معاها في نفس الدرفه [ندعوك للتسجيل في المنتدى أو التعريف بنفسك لمعاينة هذه الصورة]

واهم مافي الموضوع لو استخدمتي ممكن العبوه من الخارج فوطه مبلوله بها قطرات من الخل حتي تكون نظيفه واهم شي انا باكتب بخط كبيير علشان اللي مايشوفش مايسئلني ياماما الحاجه فين

انا كنت بانسي حاجات كتيير كل الملاحظات اللي كان زوجي يوجها لي كنت ياكتبها في الكراسه ومن حين لاخر اراجعها علشان ماسمعش كلمه كده تحرق الدم ( نظفي الزريبه اللي عايشين فيها ) اي الحظيره

فوطه ولمعي السرير بتاع حجره نومك وكذللك الدولاب مرة في الاسبوع

النجف اللي في الشقه مره كل شهر حتي يكون براق
والطريقه سهله وغير مكلفه ( كوب ماء + كوب خل + كوب من السبرتو الاحمر او اي نوع متاح)

الحمد لله لا ياأتي الزباب علي الزجاج ابداا

بتعيري الفوطه اللي علي المنشفه كل يوه وبتضعي واحده جديده نظيفه

الكمبيوتر اللي حضرتك بتقعدي عليه لازم يكون له من الحب جانب تلميعه حلوه بقماشه عليها اسبراي التلميع

لو عندك بلكونه بتجردي الحاجات اللي فيها واتخلصي من الكركوبات وامسحيها بسائل عليه معطر

لو مشيتي عليها دي موش بس نصائح دي عن تجربه عمليه
واول باول باجرد الملابس بتاعتنا كلنا والتبرع لصاحبه النصيب فيه ناس مابيقدروش علي شراء احذيه

من ستر مسلما ستره الله يوم القيامه

وموش هوصيكي لازم كل يوم بتقري اوتسمعي بتركيز لسوره من سور القران حتي تحل البركه عليكي وعلي من بالمنزل

وفي النهايه باعطي [ندعوك للتسجيل في المنتدى أو التعريف بنفسك لمعاينة هذه الصورة]
لكل ام بتلحق نفسها

الله يهدي ولادنا
الموضوع التالي في الكراكيب
داخل الديب فريزر والتلاجه
اولا الديب فريزر لازم تحددي درج لكل نوع من الانواع
اللحوم
الخضراوات
الفواكهه المجمده من موسم لموسم
بتفرشي بلاستيك يحتوي الدرج من الداخل وفي نوته دي لاتفارق المطبخ
كل درج المحتويات اللي بيه حتي لا تطري لشراء لحوم دون نفاذ الموجود وبالتالي التجميد لفترات طويله تفقدها حيويتها

لاني لما كنت سابقا باشتري كميات بيجي الموسم التالي وبالاخص المشمش تلاقيه سبحان الله موش نفس الطعم
بتأمني الباب الخاص بها فوطه بها ماء ساخن ودائر الباب وشويه بودره تلج يحافظ علي الكاوتش الخاص بالباب

ونصيحه انا كنت قرئت انك فعلا لما تشدي الكوبس الخاص بالتلاجه او الديب فريزر لمده ساعه مره كل اسبوعين يزيد من قوه تتليج الفريزر

تجنبي وضع اشياء فوق الدواليب لانها تتجمع عليها التراب ممايسبب الحساسيه وانت موش واخده بالك
طبعا ماتنسيش انك تكوني زيي باقوم بنقع حوالي نصف كيلو من حمص الشام وكل سنه وانتم طيبين الشتا بيحب الاولاد حاجه تتدفئهم وباشيله منقوع بعد حوالي 10 ساعات فيكون سها تعملي ليهم حمص شام وبالهنا

ولاتنسي الفيشار لانه له فوائه عديده (
=============
اي مكسرات لاتتركيها في الخارج مده طويله احتفظي بالفريزر فلا يتغير طعمها
منظفات الملابس بعبوها في عبوات بلاستك لامانع تضعيها في جردل بنفس العبوه حتي لاينسكب من الكيس مع تعدد الاستعمال
================
لاتنسي نفسك وتصبحي كراكيب
نظافتك الشخصيه وتخلصي قبل مايجي ويلاقيك بملبس جميل
وكله يدلع نفسه
والنصايح دي اقرئيها بقلبك وليس بعينيك[ندعوك للتسجيل في المنتدى أو التعريف بنفسك لمعاينة هذه الصورة]

فوائد الفيشار

---------------------------------

بسم الله الرحمن الرحيم
الفيشار
يحفظ التوازن العضوي و النفسي للانسان . . . ,
وانه يتفوق على " القهوة " في تنبيه المخ و يجلب الاحساس بالسعادة و البهجه دون ايه آثار جانبية . . .!!

هذة حقائق كشفت عنها دراسه علميه في المركز القومي للبحوث بالقاهرة حيث اكــد الدكتور "

فوزي الشوبكي " خبير التغذية بالمركز _ في دراسته _ ان تناول الفيشار يحفز خلايا المخ على

انتاج مادة " السيروتونين " المسؤوله عن الحفاظ على التوازن العضوي و النفسي للانسان .. .

التي تعد من اهم الموصلات العصبية الللازمه لتنبيه خلايا المخ . . . . . وزيادة اليقظه دون حدوث اي

ارتفاع في ضغط الدم او زيادة دقات القلب . .

ليتفوق الفيشار في هذا المجال على " الكافيين " الموجود في القهوة . . , , ,

ومادة " السيروتونين " مسؤوله ايضا عن توليد الشعور بالبهجة و السرور و الاقبال على الحياة . . ,

واضاف فوزي ان " الفيشار " يحتوي على المجموعه المتكامله من فيتامين " ب " المركب و هي

من اهم العناصر الغذائية لسلامه الموصلات العصبية في المخ و الجهاز العصبي في كل الجسم . . ,

و اشار الى ان " الفيشار " يحتوي ايضل على كمية من البروتين و الاحماض الامينيه اللازمه لتجدد

الخلايا الداخلية لجسم الانسان و خاصه خلايا المخ . . ,

بالاضافه الى فيتامينات " أ " و " ك " اللازمه لصحه و سلامه والانسان)

مشكلة و الله موضوع الكراكيب ده ... أزمة فعلا
ربنا يعين جميع النساء عليها
معظم مواضيعك باحفظها عندي يا rose من أهميتها
جزاك الله خيرا

[ندعوك للتسجيل في المنتدى أو التعريف بنفسك لمعاينة هذه الصورة]

نـبــض القـلــوب كتب:: مشكلة و الله موضوع الكراكيب ده ... أزمة فعلا
ربنا يعين جميع النساء عليها
معظم مواضيعك باحفظها عندي يا rose من أهميتها
جزاك الله خيرا

[جزانا واياكى شكرا على مرورك

شكرا مدام روز على التغطية الرائعة

» يلا دلعى بنتك