برنامج العناية بالشعر المكثفة

نهارده جبت خلاصة تجاربي بعد ما شفت النتائج المبهرة بس اهم حاجه لضمان النتيجه اللى هقولكو عليها هو انك تواظبي على البروجرام بداية صلو اعلى الحبيب
اللهم صلي وسلم وبارك عليك يا حبيبي يا رسول الله
بسم الله
احنا عندنا برنامج يومي
برنامج اسبوعي
برنامج شهري
تمام
اللبرنامج اليومي هو تسريح الشعر مرة يوميا
المرة دي هتكون بالليل قبل ماتنامي
خلاص سرحتي ....هتحطي كريم او زيت الشعر اللى متعوده تحطيه (انا افضل الكريم ) ولو لازم زيت تحطي بالضبط 4 نقط ...خلاص كده
طيب بعد كده هنعمل ايه .....هنلف شعرنا بقى طيب هنلفه ازاي
انا سمعت بنوتات كتير بتتكلم عن لف الطاقيه والبكر تمام كل ده كويس بس اللفه اللى احنا هنلفها النهارده مختلفه
وهي دي ان شاء الله اللي هنعود شعرنا عليها
احنا هنقسم شعرنا الى 6 او8 اجزاء حسب كثافته
مش هقول بالطول او بالعرض اللى يريحك وعلى حسب عدلة ايدك
هناخد كل جزء ونلفه كحكه
ماتتخضيش من شكل راسك بس صدقيني بعد ما تفكيه النتيجه مبهرة
والله العظيم ان الكلام ده مجرب

انتظروني بعد الفاصل[ندعوك للتسجيل في المنتدى أو التعريف بنفسك لمعاينة هذا الرابط]

بصو يا حبايبي احنا كده خلصنا الي هنعمله بالليل تمام بعد كده بقى هنصحى الصبح وبعدين نفك شعرنا ومن غير ما نسرح او تسريح بسيط جدامجرد هتمشي المشط على شعرك هتلاقيه جميل جدا وممكن كمان تعمليه ديل حصان
بس مش من اول يوم هه
وتقريبا يبقى كده لمينا كل اللي المفروض نعمله يوميا بس فيه حاجه صغيرة نسيتها وهو انك لما تيجي تسرحيه بالليل تدلكيه بصوابعك بحركات دائريه 3 دقائق وده عشان تنشطي الدورة الدمويه في شعرك
البرنامج اليومي ده هتفضلي ماشيه عليه طول حياتك بس ما عدا الدهان
الشهر الاول دهان يوميا
الشهر التاني يوم ويوم
الشهر التالت مرتين بالاسبوع
بدايه من الشهر الرابع هيبقى ده بروجرام حياتك هتمشي عليه طول عمرك هو انك تدهني شعرك مرة واحده بالاسبوع بعد غسل الشعر
من افضل كريمات الشعر
كريم جي كازانوفا
كريم دابر فاتيكا
كريم بالمرز (بس بيخلي الشعر يلزق في بعضه) بس هو حلوبيغذي ويطري اوي
ومن افضل زيوت دهان الشعر على الاطلاق هو
زيت السمسم (رهييييييييييييب)
وبعديه زيت جوز الهند (ريحته جميله)
في حاجه كمان عايزة اقولها في البرنامج اليومي
هو انك لازم لازم يوميا هتفكي شعرك خالص وتسيبيه وتخلعي منه اي توكه او بنسه
حتى لو نص ساعه في اليوم حتى لو شعرك خشن جدا انتي ممكن تعملي كده وانتي لوحدك في اوضتك بس عشان الشعر يتنفس
وبكده خلصنا البرنامج اليومى

نيجي بقى على البرنامج الاسبوعي وهو غسل الشعربس بما اننا في برنامج عنايه مكثفه يبقى احنا بدايه هنغسل شعرنا مرتين بالاسبوع وده في اول شهر اما باقي الشهور هنغسل شعرنا مرة واحده بس بالاسبوع
بدايه كده قبل ما تغسلي شعرك هتفكيه وتسرحيه لازم الشعر يتسرح قبل الغسيل
بعد ما تسرحيه هتعملي ماسك واحد من الاتنين دول
ماسك قنبله هتدمر اي حمام كريم عندك
وده واحد من مواضيعي

السلام عليكم ورحمة الله وبركاته
النهارده جبت الوصفه اللي هتقلب قسم الشعر راسا على عقب
وصفه بجد كلمه تحفه شويه عليها
انا ذهلت من النتيجه بجد ممتازة ونفسي الكل تجربها وتقول لي ايه الاخبار
لان بجد هي مصدر ابداعي وبالمرة اهدي لها الوصفه
ههههههههههههههههههههههههههههه
بسم الله الرحمن الرحيم
معلقتين من بذر القطن
معلقتين من عشبة الكثيرةوهي تقريبا قريبه من طريقه تحضير بذر القطن صفار بيضه
ركزو صفار بس لان البياض بينشف الشعر
معلقه زيت (اي نوع زيت حلو) انا استعملت زيت السمسم
معلقة مايونيز
معلقة زبادي
وهتعجنو كل الكلام الفاضي ده بحنه
انا مش هقدر اقولكو على مقدار الحنه بالضبط لاني كنت بدلق كده بالبركه ههههههههههههههههه
ومعلقتين قرنفل مطحون
تحطي على شعرك كويس وبعدين تضربي البونيه بتاعك وتقعدي ساعتين زي الشاطرة وبعدين تغسلي شعرك كويس جدا وشوفي بقى الجمال والنعومه والحلاوة والله هتدعيلي من كل قلبك بس امانه اللي تجرب تقووووووووووووووول

المكونات

4 ملاعق كبيره مشاط
1علبه زبادى كبيره
1 صفار بيضه
1 ملعقه كبيره عسل نحل
1ملعقه كبيره مايونيز (اختيارى)
ربع ملعقه كبيره بلسم
ملعقتان كبيرتان من كلا من اقوى زيوت الاطاله الاتى ذكرها :-
( الحشيش - الحيه - الخروع - جنين القمح - الخردل ) وقد سبق ذكر فوائدها فى اطاله الشعر فى الجزء الاول للوصفه
ماء للعجن عباره عن :
كوب ونص ماء يقطع فيه حزمه جرجير + بصله + ربع ملعقه قرفه (يتم غليهم على النار )

نخش بقى فى الطريقه

نجيب طبق صينى او زجاج غويط ونحط فيه المشاط ونحط عليه كل المكونات السابقه ما عدا الماء المغلى
يعنى لازم نتاكد ان المشاط تشرب من الزبادى والزيوت وصفار البيضه وعسل النحل والمايونيز
ولما ننتكون لدينا عجينه غليظه نخففها شويه شويه بالماء المغلى الى ان تتكون لدينا عجينه شبه سائله غليظه يعنى مش شرط تحطى الماء المغلى كله

*وبعد كده تقسمى شعرك كذا جزء وتسمى باسم الله وتدهنى شعرك بالخلطه الى ان تتاكدى ان كل حته فى شعرك اتشربت بالمشاط
*وتلفيه بكيس نايلون وايشارب عليه وتفضلى بيه مده لا تقل عن ست ساعات او ممكن تنامى بيه من بليل للصبح

*تغسلي شعرك جيدا من الخلطه (ومعلش هاتتعبى شويه فى الغسيل )بالشامبو فقط وبماء فاتر يعنى لا سخن ولا ساقع
وتسيبيه ينشف تحت الفوطه عشر دقايق كده وتسرحيه وتدهنيه بالدهان اللى متعوده عليه وتلفيه كحكه او طاقيه اللى يريحك يعنى ولما تفكيه [ندعوك للتسجيل في المنتدى أو التعريف بنفسك لمعاينة هذه الصورة]لالالالالالالالالالا هاتقولى مش شعرى هههههه وطبعا عارفين انتو النتايج

وصف النتيجه بالتفصيل :

تقل اييييييييييه ونعومه ايييييييييييه وملمس ايييييييييييييييييييه وحرير اييييييييييييييييه مش هوا ده شعرك اللى انتى متعوده عليه بالضبط زى شعر بنات اعلانات الشامبو[ندعوك للتسجيل في المنتدى أو التعريف بنفسك لمعاينة هذه الصورة]
لالالالالالالالا ده كمان وصف ضعيف للنتيجه
اللمممممممممعه الرهيبه والغريبه اللى متخطرش على البال خاااااااالص
الشعره نفسها تحسى انها شعره بجد شعره حقيقيه شعره عمرها ما اتعرضت لاى فرد او معامله سيئه او تقصف او سيشوار او مكوا
النتيجه اللى هاتظهر معاكى من اول مره هاتشجعك ان تعمليها تانى اسبوع وتالت اسبوع بس حاسبوا هيا مره واحده فى الاسبوع لمده شهر وكمان ممكن متحتاجيش انك تكملى الشهر وهاتكتفى بالجمال اللى انتى شيفاه فى شعرك
فعلا فعلا تستحق لقب (اقوى خلطه شعر فى تاريخ البشريه)

الخلطه يا بنات متعوب عليها وجت بعد لف كبير على كل الوصفات والخلطات وهيا من خالص اختراعاتى اللى عايزين يرتاحوا من هم الشعر المبهدل والمقصف والضعيف

اسفه طولت عليكم بس الموضوع يستحق فعلا

ولا تنسونى من صالح دعائكم وتقيمكم

» ملف كامل عن العناية بالفم والاسنان
» بابا نويل للتلوين فى برنامج الرسام
» تغطية برنامج المواهب الغنائيّة عرب أيدول Arab Idol بالصور والفيديوهات
» حصريا ظهور ديانه جديده فى مصر (الديانه الابليسيه) تقرير من برنامج 48 ساعه وحوار مع شاب اوشك الانضمام لهم
» صدر قرار من النائب العام بترحيل احمد عز والعادلى وجرانة والمغربى للسجن وسط حراسة امنية مشددة بعد بدء التحقيق معهم وصدور قرار بحبسهم 15 يوم على ذمة التحقيق وذللك نقلا عن برنامج الحياة اليوم