لو عايزة تكوني ناجحة اجتماعيا .. هاتي ودنك واسمعيني

السلام عليكم ورحمة الله وبركاته
حبيباتي . اكيد كل وحده
فينا نفسها تكون لها علاقات ناجحة مع الناس سواء كانو الناس دول اخواتها او
اصحابها او حتى زوجها وولادها .. طيب كيف نكوِن علاقات ناجحة وتدووم
تعالي معايا واقرأي الكلام ده .. لو
كنتي بتنفذيه باذن الله
انت انسانه ناجحة اجتماعيا :
* اشعري الآخر دائما انك مهتمه جدا
بمصلحته وحريصة عليه حتى لو ده مش حقيقي
* الناس تحب دائما الانسان المتفائل
السعيد ولا تحب المتشائم الحزين الذي يشعر بالملل دائما لانك تنقل لهم هذا
الملل والكابه
*المكالمات الهاتفيه والمسجات مهمة
جدا لابقاء العلاقات جيده
*عندما تتكلمي مع الاخر لابد ان
تحدثيه عن ما يهمه هو ولا تتحدثي دائما عن ما يهمك انتي يعني مثلا زميلتي
مخطوبة وانا متجوزة بلاش افضل ارغي عن جوزي وعيالي طول الوقت لازم اعطيها
فرصه تتكلم عن خطيبها مثلا او عن حياتها هي
*لو قابلتي حد للمرة الاولى لازم
تسيبي انطباع كويس .. يعني اوعي تشتكي من اي شيء اوعي تشتمي على حد اوعي
تنرفزي قولي دايما كلام طيب زي مثلا.. والله انا سعيدة جدا اني عرفت ناس
طيببين ومحترمين زيكم
انا ربنا بيحبني ان جمعني بيكي
انتي كنتي فين من زمان
دا انتي قعدتك ميتشبعش منها .. كلام
على المنوال دة
* متتكلميش في امور مادية كتييير قدام
الناس زي مثلا كنت عايزة اكلمك بس ممعيييش رصيد[ندعوك للتسجيل في المنتدى أو التعريف بنفسك لمعاينة هذا الرابط] وعايزة اشتر
كذا بس مفيش فلوس . الى اخر الكلام اللي يوجع بطن اللي قدامك ده
* ابحثي عن اي ميزة في الاخر حتى لو
مفيش اي ميزة انتي اخترعي ميزة ممكن كل الناس تتصف بيها يعني مثلا حسسي
الاخرانك معجبه بعقله او هدؤه او حسن تصرفه في المواقف اوذوقه المهم يحس
انه كويس في عينك
*لا تتحدثي كثيرا حاولي تمسكي لسانك
قدر الامكان لسببين :
اولا ان اللي بيتكلم كتير بيغلط كتير
وبيندم
ثانيا انك لازم تسيبي فرصه لغيرك
يتكلم عشان متكونيش مكروهه
افتحي موضوع وسيبي الناس تنطلق في
الكلام
طيب هكمل بعد شوية بس ياريت اشوف
تفاعل
هاشوف العيال واجيلكم تاني يا قمرات

انا
جيت تاني يا حبيباتي وهكمل ان شاء الله
* التمسي الاعذار دايما للناس عشان
متزعليش من حد

* كوني دايما عفيفة النفس لا تقبلي
ابدا انك تاخدي حاجه من حد عشان تكبري في نظر الناس وكمان عشان الناس متشلش
همك وتخاف من المعامله معاكي طبعا كل واحد حريص على حاجته

*كمان متطلبيش حاجه من حد الااذا
كنتي مضطرة وفي اضيق الحدود لان دي برضو من عزة النفس والانسان اللي طلباته
كتيير مكرووووه جدا

*لاتفرضي رأيك على حد ولا تفرضي ذوقك
على حد حتى لو كان طفل صغير .. حتى تكوني محبوبه لابد ان تركي الحريه
للاخرين وكل انسان حر في نفسه

موضوع جميل ومفيد
تسلم يدك عليه مدام روز

» طبخات ناجحة بالصور
» عايزة تمشي على نظام الماكروبيوتك؟؟؟؟